армияның қорғаныс операциясы

армияның қорғаныс операциясы
(Армейская оборонительная операция)
қарсыластың басым күштерінің шабуылын тоқтату, оның әскерлерін шығынға ұшырату, маңызды шептерді (аудандарды) ұстап тұру, уақыт ұту және шабуылға көшуге жағдай жасау мақсатында жалпы әскери (танктік) армия әскерлерінің бірыңғай мәнді және жоспармен жүргізілетін, мақсаты, тапсырмасы, орны мен уақыты келісілген қорғаныс ұрыстарының, соққыларының және маневрлерінің жиынтығы. Сонымен қатар А.қ.о. қарсыластың басып кіруін той-тару, майданның негізгі күштерінің жазылуын қамтамасыз ету және олардың шайқасқа ұйымдасқан түрде кіруі мақсатында жүргізілуі мүмкін. А.қ.о. әдетте, майданның қорғаныс операциясының бөлігі болып, майданның басқа әскерлерімен, ал теңіз жағалауындағы бағыттарда флот күштерімен өзара бірлікте атқарылады; жеке бағыттарда армия қорғаныс операцияларын өз бетімен жүргізуі мүмкін. Қазіргі уақыттағы көзқарастар бойынша, А.қ.о-на басты бағыттарға негізгі күштерді шоғырландыру, күш пен құралдарды терең эшелондандыру және оларды бытырата орналастыру, қорғаныс жүргізудің әр түрлі амалдарын қолдану, атыс, бөгеттер мен әскер маневрін кең қолдану, бір мезгілде бірнеше бағыттарда ұрыс іс-әрекеттерін жүргізу және белсенділік тән. Қорғаныс шептері мен пози-цияларының жүйесінде: қамтамасыз ету алқабы, негізгі қорғаныс алқабы (1-қорғаныс шебі), кейде 2-қорғаныс алқабы (аралық шеп), әрқайсысы жеке-жеке позициялардан тұратын армияның қорғаныс шептері, жеке аудандар мен тораптар қорғанысы, сонымен бірге аралық және бөлік қорғаныс шептері мен позициялары болуы мүмкін. А.қ.о. кезінде қарсыласты атыспен жою атыс жүйесі арқылы жүзеге асырылады, оған қолдаушы ракеталық әскерлер мен авиацияның дайындалған атысты соққылары да едәуір үлес қосады. Атысты жүйе инженерлік бөгеттер жүйесімен, ал ядролық қару қолданған кезде ядролық соққылармен де келісіліп ұйымдастырылады. А.қ.о. қарсыластың жазылып, шабуылға жылжып келе жатқан әскерлеріне соққы беруден немесе оның лап қоюын тойтарудан, ал кейде атысты қарсы дайындықтан басталуы мүмкін. А.қ.о-на 1,2-эшелондағы қорғаныс іс-әрекеттері, армиялық қарсы соққы жүргізу, ракеталық әскер мен артиллерияның, авиацияның, әуе шабуылына қарсы қорғаныс әскерлерінің, армияға бағынышты арнайы әскерлердің, армиялық резервтердің ұрыстық іс-әрекеттері кіреді.

Казахский толковый терминологический словарь по военному делу. — Мектеп.

Смотреть что такое "армияның қорғаныс операциясы" в других словарях:

  • армияның шабуыл операциясы — (Армейская наступательная операция) жалпы әскери (танктік) армия әскерлерінің мақсаттары, тапсырмалары, орындары және уақыттары бойынша келісілген бірыңғай мәніспен және жоспармен қарсыластың қарсы тұрған топтастығын талқандау және оперативтік… …   Казахский толковый терминологический словарь по военному делу


Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»